Vazhdimi i dialogut Kosovë-Serbi: Thaçi kryenegociator, jo Mustafa?! (Video)

13.08.2016 21:54:28

Ka pasur paralajmërime se dialogu i mëtejmë Kosovë-Serbi do të zhvillohet në nivel të presidentëve të dy shteteve.

Dialogu Kosovë-Serbi i ndërmjetësuar nga BE, nuk po jep rezultate, thonë analistët, sipas të cilëve nuk ka përparim në normalizimin e raporteve mes dy shteteve.

Në anën tjetër, Qeveria e Kosovës kritikon palën serbe se nuk ka seriozitet në zbatimin e marrëveshjeve të arritura në Bruksel, raporton RTV21.

Analistët presin format të ri të dialogut, me më shumë transparencë.

Formati i ri, sipas paralajmërimeve, nënkupton edhe dialogun në nivel të presidentëve të dy shteteve.

Tani për tani është pikëpyetje se kur mund të realizohet ky format i ri bisedimesh. Dhe, edhe nëse vendoset për këtë, ky format pritet të neglizhohet nga presidenti i Serbisë, Tomisllav Nikolliq, deri në zgjedhjet e ardhshme presidenciale në këtë shtet.