Është dënuar vetëm me 1 vit burg polici italian që vrau 24 vjeçarin shqiptar Korab Xheta.I riu nga Dibra u qëllua me armë mbrëmjen e 1 shkurtit të vitit të kaluar, teksa përpiqej t’i shpëtonte policisë e cila i ishte vënë në ndjekje pasi emigranti dyshohej se kishte kryer një vjedhje.
Prokurori Marianglea Farneti, kishte kërkuar 1 vit e 8 muaj burg pasi sipas tij, polici nuk duhet të qëllonte në drejtim të automjetit që përpiqej t’i shmangej kontrollit të policisë.
Por gjykatësja e Ankonës Francesca Zagoreo e ka dënuar policin vetëm me një 1 vit burg. Ndërkohë mbrojtja e policit italian argumentonte se përdorimi i armës ishte krejtësisht legjitim.
Jashtë gjykatës, një garnizon i Lega Nord Marche kishte dal në protestë në mbrojtje të zbatimit të ligjit.