Një person është arrestuar në fshatin Milloshevë të Obiliqit, pasi që i njëjti është kapur në flagrancë duke vjedhur instalimin e shtyllave elektrike të ndriçimit publik.
I dyshuari gjatë arrestimit ka rezistuar me ç’rast lëndime trupore kanë pësuar tre zyrtarë policor të cilët kanë pranuar trajtim mjekësor, ndërsa, i dyshuari pas intervistimit me vendim të prokurorit është dërguar në mbajtje. Po në këtë fshat është arrestuar një tjetër person pasi që i njëjti ka sulmuar fizikisht një femër.
Policia ka vepruar, përderisa i dyshuari gjatë arrestimit nga Policia ka rezistuar, një zyrtar policor ka pranuar tretmanë mjekësor, ndërsa, i dyshuari pas intervistimit me vendim të prokurorit është dërguar në mbajtje, thuhet në raportin e policisë.
