Ani pse kanë kaluar gati tri javë nga vrasja e Oliver Ivanoviqit, ende nuk ka asnjë të dyshuar.
Por, pavarësisht kësaj autoritetet e Kosovës kanë filluar bashkëpunimin me ato serbe për zbardhjen e kësaj vrasjeje.
Prokuroria Themelore e Mitrovicës ka pranuar që disa nga dokumentet e hetimit t’iu jepen palës serbe.
Këtë e ka konfirmuar për Klan Kosovën edhe Ministri i Drejtësisë, Abelard Tahiri. Tahiri nuk ka specifikuar se çfarë dokumentesh u janë dërguar palës serbe.
Por, Klan Kosova mëson se bëhet fjalë për autopsinë e Oliver Ivanoviqit që është bërë nga Instituti i Mjekësisë Ligjore.
