ZVICËR- Ricardo Marques Ferreira, 40-vjeçari hair stylist portugez, i futbollistit Cristiano Ronaldo, është gjetur i vdekur në një dhomë hoteli në Zyrih të Zvicrës.
Hair stylist portugez, Ricardo Marques Ferreira, 40-vjeçari i cili ka punuar prej vitesh për yllin e futbollit, Cristiano Ronaldon raportohet nga mediat e huaja se është gjendur i vdekur në dhomën e hotelit ku ai po qëndronte në Zvicër.
Mediat e huaja kanë raportuar mbi ngjarjen e rëndë që ka ndodhur me parukjerin e Ronaldos i cili është vrarë me thikë. Ndërkohë deri më tani është mësuar se policia vendase ka vënë nën pranga një brazilian 39-vjeçar, për vrasjen.
Trupi i pajetë i 40-vjeçarit është gjetur nga një punonjëse pastrimi e hotelit mbi krevatin e dhomës ku ai po qëndronte, i mbuluar me gjak dhe me erë alkooli.
