Killeri i sulmit në Berlin vritet nga policia në Milano, raporton agjencia e lajmeve ansa.it.
Autori i sulmit në tregun e krishtlindjeve në Berlin mësohet se është vrarë nga policia italiane rreth orës 03:00 të mëngjesit të sotëm.
Anis Amri ka shkëmbyer zjarr me policinë së sheshin May Day në Sesto San Giovanni, gjatë të cilit ai ka mbetur i vrarë.
Ndërkohë një prej efektivëve është plagosur dhe transportuar për në spital në Monza.
Autori mendohet se ka udhëtuar nga Berlini në Milano me tren, ndërkohë që në stacionin para sheshit në qytetin italian, në një kontroll rutinë nga policia i është kërkuar dokumentacioni. 21 vjeçari ka refuzuar urdhrin e policisë dhe ka nxjerr menjëherë pistoletën.
