Kandidati i LDK-së për kryetar të Vushtrrisë, Xhafer Tahiri në takim me mësimdhënësit e kësaj komune ka falenderuar ata për punën që po bëjnë.
Po ashtu, z. Tahiri ka shprehur keqardhjen që janë përjashtuar nga vendimet me rëndësi për arsimin në Vushtrri, e që është bërë nga qeverisja komunale e drejtuar nga PDK.
Z. Tahiri ka premtuar se do t’i konsultojë për vendimet e rëndësishme për arsimin komunal
“Takova sonte në mbrëmje mësimdhënësit e Vushtrrisë. I falënderova për kontributin që mësimdhënësit po japin për edukimin e gjeneratave të reja në Vushtrri.
Mësimdhënësit kanë qenë të përjashtuar nga vendimet me rëndësi për arsimin në Vushtrri sepse arsimi është përdorë nga pushteti i PDK-së për punësime politike dhe familjare e kështu është dëmtuar cilësia në arsim dhe e ardhmja e fëmijve tanë.
I siguroj të gjithë mësimdhënësit që ata do të jenë pjesë e procesit konsultativ për cdo vendim me rëndësi për shkollën dhe arsimin në Vushtrri. Po ashtu i njoftova mësimdhënësit me planin tonë për arsimin në Vushtrri, që përfshinë:
– depolitizim të plotë të arsimit,
– punësim në arsim mbi bazë të meritës së plotë profesionale,
– stimulim për mësimdhënës, nxënës, klasë e shkollë të dalluar,
– planin për kamera të sigurisë në oborr të shkollës dhe në korridore të shkollës,
– projektin e-shkolla, ditarin elektornik, këndet e leximit në shkollë dhe këndet digjitale në shkollë.
-shujte ditore per nxenes.
#QeverisjeeRe
#XhaferTahiri47″ – thuhet në postimin në faqen e z. Tahiri.