YLBER I FALUR
Në dhomën tënde të gjumit
Muret përplot piktura të arta që flasin
Mbushur dashuri poret e trupit
Lumit përgëdheljen ja vodhe , atë natë !
Rrugëve të qytetit përtej ndeshjes , mort
Lulëzojnë kujtime të qëndisura plot kujdes
Në nurin e ballit një pikë vesë mëngjesi
E përpije çdo ditë …
Nesër dridhen letrat e strukura sirtareve
Flasin çdo gjuhë , janë të lëmuara vjerur në cep të hënës
Valixhen e ëndërrave të bardha e fitove
Një dhuratë gjumi , kurorëzuar në bast
Shkallëve ngjitesh të kapësh yjet
Dritën peng , dielli shpinën ta vodhi
Eja të zgjas dorën në triumfin e besimit
N’kështjellën murosur për sisë të djegur prush ..?!
Mëkati u vëllazërua në urën e gurit
Në qytetin pa thjerrëza vriten dashuritë
Fëmijët e botës më buzëqeshin zemrës
Ylberet pas shiut , janë bukuri që të falin dritë !
