Nisma në Prizren, nuk e përjashton mundësinë të qëndrojë në opozitë, nëse kryetari i ri i Prizrenit, Mytaher Haskuka nuk përzgjedh drejtorë me kredebilitet në ekzekutivin e Komunës.
Kryetari i Nismës, Zafir Berisha thotë se Nisma ka qenë për ndryshimin e pushtetit në këtë qytet, “por kjo nuk do të thotë që patjetër dhe me çdo kusht të jemi pjesë e pushtetit”.
“Nisma ka qenë këmbëngulëse në ndryshimin e pushtetit në Prizren dhe jam shumë krenar që më në fund bandat i kemi larguar pushteti, por kjo nuk do të thotë qw patjetër duhet të jemi në pushtet”, shprehet Berisha për “PrizrenPress” .
Nisma në Prizren, në zgjedhjet e balotazhit ka mbështetur kandidatin e VV-së, Mytaher Haskunën, për kryetar të Prizrenit.
Berisha thotë se këtë mbështetje ia ka dhënë Haskukës për të çliruar Prizrenin nga bandat e PDK-së.
“ Këto banda i larguam. Tash pres që qeveria e re të formohet me emra të pastër dhe të pakorruptuar”, shprehet ai.
“Nëse qeveria e re nuk sjellë emra me bagazh profesional dhe të pastër, atëherë ne si Nismë do të qëndrojmë edhe në opozitë, sepse garën e kemi bërë për ndryshim dhe jo për pushtet”.
Kryetari i Prizrenit, Mytaher Haskuka ka paralajmëruar se qeverinë e re do ta formojë në janar të vitit të ardhshëm. Ai, ka thënë se po shikon që kjo qeveri të jetë gjithëpërfshirëse.
“Po shikojmë që qeveria të jetë gjithëpërfshirëse, përjashtuar PDK-në”, ka thënë Haskuka.
