Në Kotlinë në Kaçanikut, u zbulua një objekt nëntokësor që besohet të jetë qindra vjet i vjetër, dhe kjo i ka befasuar banorët.
Ata nuk kishin qenë në dijeni se në këtë pjesë ndodhej ky objekt i veçantë, që është i ndërtuar me tulla dhe ka formën e tunelit.
Për këtë objekt të veçantë, i cili u zbulua kur po gërmoheshin mjetet e rënda, banorët e Kotlinës nuk kishin dëgjuar as nga më të vjetrit e fshatit .
Fshatarët njoftuan edhe komunën e Kaçanikut , të cilët po merren me rastin .
Ndërsa Vjollca Aliu nga Departamenti i Trashëgimisë Kulturore , në Ministrinë e Kulturës , bëri me dije se që nga nesër besojnë se një ekip i arkeologëve do të dalë në vendin e ngjarjes për të hulumtuar për objektin në fjalë.
