Zëdhënësi i presidentit Ilir Meta ka përgënjeshtruar lajmin e ndarë në disa media ku aludohej lidhur me vizitën e kreut të shtetit në Strasburg. Përmes një reagimi, Tedi Blushi sqaron se vizita e presidentit në Strasburg është takim pune. Meta sipas Blushit nuk ka nevojë të lobojë për veten, por shkon atje për të mbrojtur të drejtat e shqiptarëve.
Reagimi i plotë
I njoftojmë përsheshngrënësit e portaleve në të zezë të dezinformojnë më me dinjitet. Presidenti Meta është për vizite pune në Strasburg dhe i shoqëruar në çdo takim nga përfaqësuesit diplomatikë të shtetit shqiptar pranë Këshillit të Europës.
I sqarojmë përsheshngrënësit se Presidenti Meta do ta vizitojë më shpesh Strasburgun, kryeqytetin e të drejtave të njeriut, pasi vetëm respektimi i tyre çliron të ardhmen europiane të vendit nga pengmarrja e oligarkisë nga e cila këta mashtrues ordinerë paguhen.
I sqarojmë gjithashtu se Presidenti Meta nuk ka nevojë të lobojë, as në të bardhë, e as në të zezë.