Presidenti çek, Zeman thotë se Krimea i përket Rusisë

10.09.2016 17:22:36

Gadishulli i Krimesë i takon Rusisë, deklaroi presidenti i Republikës Çeke, Milos Zeman.

“Politikanët më të lartë në botë tashmë e dinë se Krimea nuk mund t’i kthehet Ukrainës”, tha ai sipas një raporti nga portali çek i lajmeve, parlamentnilisty.cz.

Zeman shtoi se “ish-lideri sovjetik, Nikita Hrushovi, bëri një marrëzi të pafalshme, kur ia kaloi Ukrainës gadishullin në vitin 1954”.

Edhe pse presidenti i Republikës Çeke ka qenë vendosmërisht mbështetës i Rusisë, Qeveria e qendrës së majtë ka refuzuar ta njohë aneksimin e Krimesë nga Rusia.

Të martën, kryeministri çek, Bohuslav Sobotka, iu bashkua Polonisë, Hungarisë dhe Sllovakisë në mbështetje të Ukrainës për sovranitet dhe integritet territorial.