Zjarr i madh në zonat bregdetare të Spanjës

06.09.2016 16:32:55

Zjarrfikësit spanjollë janë duke luftuar një zjarr të madh që ka kapluar pyllin në Costa Blanca, zjarr që ka bërë mijëra persona të evakuohen duke përfshirë këtu edhe turistët.

Më shumë se 300 zjarrfikës janë duke tentuar ta ndalin zjarrin që është 120 kilometra në jug-lindje të Valencia. Autoritetet spanjolle kanë deklaruar se ky zjarr ka shpërthyer në mënyrë të qëllimtë.

Si pasojë e këtij zjarri janë shkaktuar dëme të mëdha. Lagështia e ulët e ajrit dhe erërat e forta janë bërë shkak që zjarri të zgjerohet shumë shpejtë.