Zyrtare, Milani rikthen legjendën si drejtues në klub

05.08.2018 18:19:11

Rikthehet Paolo Maldini. Ish-mbrojtësi legjendar kuqezi dhe i përfaqësueses së Italisë emërohet drejtor i zhvillimit strategjik të zonës sportive në klubin e Milanit. 50-vjeçari është kërkuar me ngulm nga Leonardo dhe drejtuesit e ri të shoqërisë.

Paolo konsiderohet një legjendë e gjallë e historisë së Milanit për klasin e tij të jashtëzakonshëm, talentin, lidershipin, besnikërinë dhe rekordin e sukseseve që ka arritur te Milani, çka e bëjnë të pakrahasueshëm me të tjerët.

Të tilla cilësi do të luajnë një rol përcaktues për t’i rikthyer Milanit madhështinë që meriton.

Pikërisht me këto fjalë Milani zyrtarizoi rikthimin e Paolo Maldinit në botën kuqezi. Prezantimi i tij është programuar këtë të hënë, në orën 16:30.