Zyrtarë të lartë gjermanë po shprehin kritika të ashpra ndaj presidentit amerikan Donald Trump, një javë para samitit të NATO-s. Zyrtarët e qeverisë gjermane kanë shprehur kritikat e tyre në intervista të dhëna për mediat, një ditë pasi Trump i tha turmës së mbështetësve se amerikanët kanë qenë “budallenj” që kanë paguar shuma të mëdha ndaj faturave të mbrojtjes së Gjermanisë dhe NATO-s.
Trump i është adresuar kancelares gjermane Angela Merkel gjatë një tubimi në SHBA, duke thënë: “E dini ju Angela, ne jemi duke ju mbrojtur dhe kjo do të thotë shumë për ju, sepse unë nuk e di se çfarë mbrojtje kemi ne duke ju mbrojtur juve”.
Trump kishte akuzuar Merkelin për marrëveshjet e naftës me Rusinë që i mundësojnë Moskës miliarda dollarë, derisa SHBA, sipas tij po kujdesej për mbrojtjen e Gjermanisë nga ushtria ruse.