Në Shqipëri, që prej heqjes së karantinës më 1 qershor, ka patur një shpërthim të rasteve të të infektuarve me koronavirus, ndërsa prej 16 qershorit ka patur të paktën një të vdekur në ditë nga koronavirusi.
Shpërthimi i rasteve me koronavirus ka nisur pas datës 10 qershor, me mesatarisht 50 të infektuar në ditë. Vetëm 6 ditët e fundit janë regjistruar 15 të vdekur, një bilanc alarmant, ku numri i vdekjeve kulmoi më 30 qershor, ku humbën jetën 4 persona.
Referuar shifrave të analizuara nga Gazeta SHQIP, bilanci i tre javëve të fundit në vendin tonë ështtë më i rëndë se bilanci i tre muajve në karantinë. Nga 9 marsi deri më 9 qershor ishin 1263 me koronavirus, ndërsa tashmë bilanci ka shkuar në 2580, çka do të thotë se 3 javët e fundit ka më shumë të infektuar se 3 muaj të marrë sëbashku.
Në total numri i të vdekurve ka shkuar në 65, ky kryeson qarku Tiranë me 36 viktima, Durrësi me 11 viktima, Fieri 5 viktima, Vlora 2 viktima, Shkodra 9 viktima dhe Kukësi e Elbasani me nga 1 të vdekur.
Mes viktimave është edhe një 34-vjeçare nga Librazhdi, ndërsa dje u shënua edhe viktima e parë nga radhët e mjekëve.
Rastet e të infektuarve, viktimave dhe testeve të bëra, 1 qershor-1 korrik
1 qershor: 6 raste pozitive, 102 testime
2 qershor: 21 raste pozitive, 243 testime
3 qershor: 20 raste pozitive, 293 testime
4 qershor: 13 raste pozitive, 282 testime
5 qershor: 15 raste pozitive, 162 testime, 1 i vdekur
6 qershor: 20 raste pozitive, 253 testime
7 qershor: 14 raste pozitive, 193 testime
8 qershor: 17 raste pozitive , 102 testime
9 qershor: 36 raste, 359 testime
10 qershor: 42 raste pozitive, 311 testime
11 qershor: 44 raste pozitive, 291 testime, 1 i vdekur
12 qershor: 31 raste pozitive, 300 testime, 1 i vdekur
13 qershor: 48 raste pozitive, 270 testime
14 qershor: 57 raste pozitive, 362 testime
15 qershor: 69 raste pozitive, 319 testime
16 qershor: 82 raste pozitive, 364 testime, 1 i vdekur
17 qershor: 50 raste pozitive, 333 testime, 1 I vdekur
18 qershor: 66 raste pozitive, 280 testime, 3 të vdekur
19 qershor: 50 raste pozitive, 330 testime, 1 i vdekur
20 qershor: 53 raste, 320 testime, 1 i vdekur
21 qershor: 71 raste, 327 testime, 1 i vdekur
22 qershor: 33 raste pozitive, 239 testime, 1 i vdekur
23 qershor: 52 raste pozitive, 328 testime, 1 i vdekur
24 qershor: 67 raste pozitive, 347 testime, 1 i vdekur (34-vjeçare)
25 qershor:78 raste pozitive, 344 testime , 1 i vdekur
26 qershor: 77 raste pozitive, 402 testime, 2 të vdekur
27 qershor: 61 raste pozitive, 355 testime, 2 të vdekur
28 qershor: 72 raste pozitive, 374 testime, 2 të vdekur
29 qershor: 64 raste pozitive, 371 testime, 3 të vdekur
30 qershor: 69 raste pozitive, 371 testime, 4 të vdekur
1 korrik: 45 raste të reja, 276 testime, 2 të vdekur