Policia e Krujës ka nisur një procedim penal në gjendje të lië ndaj një 91-vjeçari, të cilit i kanë gjetur armë zjarri dhe municione në banesë pas një njoftimi se i moshuari kishte tentuar të vetëvritej.
Sipas një njoftimi të policisë, shtetasi me iniciale N.P., 91 vjeç, banues në Krujë, ditën e djeshme, rreth orës 13:30, në gjendje depresioni në shtëpi, ka tentuar të vetëvritet me armë zjarri.
Me të marrë njoftim menjëherë kanë shkuar Efektivet e Policisë, të cilët kanë konstatuar se shtetasi I mësipërm nuk kishte kryer një akt të tillë (kishte bërtitur duke pohuar se do vetëvritej dhe e kishin dëgjuar komshinjtë) dhe ishte mirë nga gjendja shëndetësore.
Gjatë kontrollit të ushtruar në banesë, iu gjetën dhe sekuestruan në cilësinë e provave materiale:
- një armë zjarri, Pushkë model 56, kalibër 7.62 mm;
- një automatik model 56 kalibër 7.62 mm;
- 111 fishekë.
Materialet i kaluan Prokurorisë së Rrethit Gjyqësor Krujë për veprime të mëtejshme për veprat penale”Prodhimi dhe mbajtja pa leje e armëve luftarake dhe e municionit”dhe”Shkaktimi i vetëvrasjes”.