Ai ka thënë se ishte pajtuar që ky komunitet të formohej vetëm pas ndryshimit, domethënë ‘vendosjes’ së rregulloreve ligjore, transmeton lajmi.net.
Vuçiq është shprehur se nuk qëndron një vendim i tillë dhe se pjesa zbatuese e Marrëveshjes së Brukselit thekson se kjo do të rregullohet me vendosjes e rregulloreve ligjore dhe rendit juridik në Kosovë.
“Kur të ndodhin të gjitha ndryshimet pastaj vjen konfirmimi i Gjykatës Kushtetuese e cila ka të drejtën vetëm ta konfirmojë dhe mos ta mohoj apo ndalojë”, ka deklaruar Vuçiq.
Ai ka pyetur se nëse çdo gjë duhet të bëhet në përputhje me ligjet e Kosovës atëherë pse është dashur që Serbia të shkojë në Bruksel?
Vuçiq ka shtuar se kritikët e tij e presin dështimin e Serbisë.
Sipas tij, nëse Prishtina nuk i miraton marrëveshjet atëherë të gjitha bisedimet do të ishin të pakuptimta dhe të panevojshme.
Presidenti serb ka bërë të ditur se së shpejti Beogradin do ta vizitojë Përfaqësuesja e Lartë e BE-së, Federica Mogherini dhe presidenti i Këshillit Evropian, Doland Tusk, kështu që kjo do të jetë një mundësi e mirë për të parë se si njerëzit e interpretojnë marrëveshjen.