Lideri i Lëvizjes “Dveri” në Serbi, Boshko Obradoviç, ka thënë se presidenti i Serbisë, Aleksander Vuçiç, është i gatshëm të pranojë pavarësinë e Republikës së Kosovës.
Në një intervistë për median serbe “Nova.rs” Obradoviç ka thënë se Vuçiç që nga viti 2013 ka treguar se “është i gatshëm të japë pjesë të territorit të shtetit”.
Sipas tij Vuçiç një gjë të tillë e ka premtuar kur ka nënshkruar marrëveshjen e Brukselit.
Sipas tij, presidenti serb ka premtuar se do ta njohë pavarësinë e Kosovës përpara se të vinte në pushtet dhe se tashmë duhet të përmbushë një premtim që ka dhënë.
Obradoviç në fund tha se është i bindur se ka pasur negociata sekrete në dy vitet e fundit, derisa sipas tij këto negociata tashmë janë përshpejtuar ditëve të fundit.