Nuk ka tym të bardhë në mbledhjen e Këshillit Politik, kështu të paktën janë sinjalet e para që vijnë nga mbledhja e zhvilluar me dyer të mbyllura. Propozimi i PD-së për t’ju drejtuar ODIHR-it dhe OSBE-së për variantet e listave të hapura dhe koalicionet ka hasur në kundërshtinë e fortë nga e mazhorancës.
Përfaqësuesi i maxhorancës në tryezën për Reformën Zgjedhore Damian Gjiknuri i ka quajtur “sebepe” për të mos gjetur kompromis kërkesat e opozitës për tër dërguar në ODIHR çështjet që nuk janë dakordësuar në Këshill Politik.
“Nuk mund te diktohet procesi i reformes nga kerkesat tuaja. Ne emailin tuaj me shume kerkoni sebep per te mos gjetur kompromis dhe kerkoni te imponoheni. Sipas jush kompromis eshte vetem ajo qe kerkoni ju. Propozimet tona jane te bazuara ne praktikat evropiane dhe nuk eshte se kemi bere shpikje. Edhe sa i takon koalicioneve eshte pikerisht qendrim i yni i bazuar ne praktikat evropiane. Kerkesa juaj per ODIHR eshte per te zvarritur procesin dhe futur ne krize kushtetuese vendin. Une jam i hapur per kompromis per ceshtjet e tjera nese ju deklaroni se do te pranoni formatin e koalicioneve sipas shembujve evropian, shembuj qe disa ne fakt i keni dhene dhe ketu. Nuk pranojme te na diktohet konsensusi me kerkesa vetem te njeres pale. Qe te mbahet peng gjithcka vetem nga formulimi per koalicionet, kjo eshte taktike e juaja per te çuar ne pengimin e zbatimit te Kushtetutes.
Oferta jone eshte te pranojme formulen e koalicioneve sipas shembujve te vendeve evropiane me sisteme proporcionale rajonale me lista te hapura. Me pas per ceshtjen e listave dhe pragut hajdeni te diskutojme. Ne i qendrojme propozimit tone per listat por megjithate hajdeni te ulemi dhe te punojme per te gjetur kompromis. Tentativa qe konsensusi te quhet imponim vetem i njeres pale eshte i papranueshem per mazhorancen”, thuhet në qëndrimin e Gjiknurit.
