Në Prizren është arrestuar një mashkull pasi që në një lokal pas një mosmarrëveshje e ka qëlluar me armë zjarri viktimën femër që është shtetase e Shqipërisë.
Në raportin 24 orësh të Policisë së Kosovës raportohet se viktima ka pësuar lëndime të rënda trupore dhe është dërguar në QKUK për trajtim mjekësor. Kurse nga i dyshuari është konfiskuar arma e llojit TT me një karikatorë, dy fishekë dhe një gëzhojë të kalibrit 7.62 mm. Me vendim të prokurorit ai është dërguar për mbajtje.
