Një aksion i gjerë policor në kuadër të Njësive të Specializuara dhe Njësive të Ekonomisë dhe prokurorisë është zhvilluar sot në rajonin e Ferizajt, saktësisht në Shtërpce dhe Brezovicë.
Bastisje të shumta u kryen në disa lokale, e shtëpi anembanë Shtërpcës.
Në kuadër të bastisjeve të shumta, zyrtarët policorë në orët e para të mëngjesit kanë bastisur edhe shtëpitë e disa ish-zyrtarëve politikë të Listës Serbe.
Madje nga ky aksion nën pranga përfunduan 10 persona, në mesin e tyre edhe ish-Kryetari i Komunës së Shtërpcës, Bratislav Nikoliq i njohur si Braca si dhe drejtori i Urbanizmit, Dimitrije Raçiqeviq.