Ambasadori gjerman në Kosovë, Christian Heldt, e ka përgëzuar delegacionin kosovar të përbërë nga ICK dhe ministri Valdrin Lluka për reagimin pas pjesëmarrjes në audiencë.
Heldt shkruan se fokusi duhet të jetë te përmbajtja dhe jo te veprimet e keqbërësve.
“Pajtohem plotësisht! Komplimente për Valdrin Lukën dhe ICKosovo pasi qëndruan të matur. Sepse përmbajtja është ajo që çon peshë dhe ajo në të cilën duhet të përqendrohemi. Veprimet e keqbërësve tregojnë se ne jemi në rrugën e duhur”, shkruan ambasadori.
Ndryshe, njëri prej përfaqësuesve të ICK-së tha se nuk kanë dashur të binë pre e provokimeve por janë koncentruar në prezantim dhe punë.
