Policia e Kosovës ka arrestuar dy persona për shkak se u është gjetur sasi e madhe e lëndës narkotike marihuanë.
Dy personat e ndaluar policia raporton se janë shtetas të shqipërisë.
“Gjatë kontrollit në automjetin me të cilin po udhëtonin ata janë gjetur dhe konfiskuar 201 paketime me peshë 53 kilogramë e 288.8 gramë me substancë të dyshuar narkotike të llojit marihuanë”, thuhet në raport.
Me urdhër të prokurorit të dyshuarit janë dërguar në mbajtje.
