Pas hetimeve disa mujore me urdhër të Prokurorisë Themelore të Gjilanit, Policia e Kosovës ka arrestuar katër persona, tre prej tyre zyrtarë të Ministrisë së Bujqësisë.
Arrestimi i B.N., K.M. dhe N.V. është bërë për shkak të dyshimit të arsyeshëm se kanë kryer veprën penale keqpërdorimi i pozitës apo autoritetit zyrtar.
Po ashtu, Policia e Kosovës ka arrestuar edhe personin me inicialet, Xh. S., pronar i Kompanisë “Calabrija” në Gjilan, për shkak të dyshimit të arsyeshëm se ka kryer veprën penale mashtrimi me subvencione.
Ndërkaq, shuma e keqpërdorimit është mbi 200 mijë euro. Vlen të ceket se katër të pandehurit gjenden në masën e arrestit shtëpiak.
