Policia e Kosovës ka raportuar një rast në kufirin me Shqipërinë, ku ka arrestuar një person i cili tentoi të fuste rreth 40 kilogramë marihuanë nëpërmjet rrugës malore
Policia e Kosovës arreston një person të dyshuar nën dyshimin e bazuar për “blerje, posedim, shpërndarje dhe shitje e paautorizuar e narkotikeve, substancave psikotrope dhe analoge”, në sasi prej rreth 40 kg marihuanë
Me datë 22.10.2016 rreth orës 06:55 në PKK-Vermicë, Policia e Kosovës në këtë rast njësia patrulluese kufitare derisa ishte me detyrë zyrtarë në pikë vëzhgimi, afër bregut të liqenit ka vërejtur një person duke lëvizur në këmbë nga Republika e Shqipërisë në drejtim të Republikës së Kosovës , duke shfrytëzuar rrugën afër bregut të liqenit.
Personi i dyshuar (A. M. -1977 Shtetas i Shqipërisë) është vërejtur se posedonte (të ngarkuara) me vete disa qese të dyshuara prej najloni dhe me të vërejtur këtë njësia Policore ka ndërmarrë veprime taktike për arrestimin e tij.
I dyshuari ngarkesën e tij të cilën e posedonte me vete e ka hedhur në tokë, dhe ka filluar të ikë në drejtim të pjesës malore, mirëpo falë veprimeve të shpejta taktike të njësisë policore i dyshuari është arrestuar.
Policia ka arritur të sekuestrojë edhe ngarkesën e dyshuar të cilën e kishte e kishte hedhur i dyshuari, e cila ishte e vendosur në tre (3) thasë të mëdhenj.
Gjate kontrollit dhe verifikimit të thasëve janë vërejtur gjashtëdhjetë ( 60 ) paketime të mbështjella të dyshuara me lëndë narkotike e llojit marihuanë .
Pesha totale e substancës së dyshuar për narkotik të llojit marihuanë arrin rreth 40 kg, apo saktësisht 39 kg e 035 gr.
Me vendim të prokurorit kompetent personi i dyshuar dërgohet në mbajtje për 48 orë.
