Deputeti i Nismës për Kosovën, Zafir Berisha ka thënë se lufta kundër të kaluarës tonë të lavdishme është edhe luftë kundër të ardhmes tonë, prandaj nuk është e rastësishme ofensiva kundër vlerës së vetme në këtë vend, UÇK-së.
Postimi i plotë i Berishës në facebook:
“Zhvillimet e fundit në Kosovë, angazhimin tonë në jetën publike lidhur me prezentimin e partisë dhe forcimin e saj e bënë dytësore, karshi nevojës për shtimin e përpjekjeve për ta çliruar vendin nga grupet mafioze të cilat e kanë kapur shtetin. Përndjekjet politike, në emër të drejtësisë e cila për llogari të parapolitikës bënë padrejtësi është e papranushme, prandaj këtë regjim duhet luftuar më çdo çmim. Lufta kundër të kaluarës tonë të lavdishme është edhe luftë kundër të ardhmes tonë, prandaj nuk është e rastësishme ofenziva kundër vlerës së vetme në këtë vend UÇK-së, sepse kështu dëshirojnë ta minojnë perspektiven e Kosovës që themelet i ka në gjakun dhe luftën e lavdishme të UÇK-së, për me pasur pastaj më lehtë për ta vjedhur dhe gjynzu siç është duke ndodhur. Zafa” (sic.), ka shkruar Berisha.
