Kryetari i Komunës së Obiliqit, Xhafer Gashi së bashku me Drejtorin e Arsimit, Agim Spahiu ishin prezent në shpërndarjen e bursave për studentë dhe nxënës të shkollës së mesme profesionale – teknike “Hasan Tasini”.
Studentë përfitues të bursave ishin 50, ndërsa të shkollës së mesme profesionale ishin 23 nxënës me sukses të shkëlqyeshëm.
Kryetari i Komunës, Xhafer Gashi i uroi studentët dhe nxënësit për suksesin e arritur, duke shtuar se në të ardhmen presin nga ata suksese të reja pasi që mund të jenë udhëheqës të vendit./Lajmi.net
