Sekretari i Përgjithshëm i NATO-s, Jens Stoltenberg, pati deklaruar se shumë njerëz në Serbi ende kanë kujtime të këqija nga bombardimet e vitit 1999, por sipas tij, kjo është bërë në mënyrë që të mbrohen civilët dhe të ndalohet qeverisja e presidentit të atëhershëm të Jugosllavisë, Sllobodan Millosheviq.
“Kam thënë se e kemi bërë këtë që të mbrojmë civilët dhe ndaluam regjimin e Millosheviqit. Por, porosia ime më e rëndësishme është që duhet të shohim kah e ardhmja”, ka deklaruar ai dy muaj më parë.
Ai shtoi se NATO-ja mbështet dialogun Kosovë-Serbi dhe jo vetëm politikisht.
“NATO-ja e mbështetë dialogun, jo vetëm politikisht, por edhe me faktin se jemi prezentë në Kosovë me KFOR-in, mandati i të cilit është ruajtja e sigurisë. Edhe më tutje do të jemi aty që të mbrojmë të gjitha nacionalitetet”, tha Stoltenberg.