Ditën e sotme është mbledhur Parlamenti Europian ku në rendin e ditës është folur për negociatat për anëtarrësimin e Shqipërisë në Bashkimin Europian.
Deri tani kanë diskutuar për Shqipërinë reporteri David Lega dhe eurodeputeti Gahler.
Sipas Lega-s, qeveria shqiptare tregohet shumë e ashpër me gazetarët dhe shumë e butë me trafikantët.
Derisa ky raport të ndryshojë, Shqipërisë nuk mund t’i hapen negociatat me Bashkimin Europian, është shprehur David Lega.
Lega ka theksuar se qeveria është shumë e ashpër me gazetarët dhe shumë e butë me trafikantët. Pa ndryshuar ky raport sipas tij, s’ka çelje negociatash.
Këtij mendimi i është bashkuar dhe eurodeputeteti Gahler i cili thotë se “kusht për t’u futur në BE, është hetimi i të përfshirëve në shitblejrjen e votave”.
Ndërkohë Gahler thotë se nuk ka asnjë informacion se çfarë po bëhet me dosjet e shit- blerjes së votave, 184 dhe 339 të bandave të Durrësit ku i përfshirë ka qenë dhe ish- kryebashkiaku Vangjush Dako.
Seanca e cila po zhvillohet në PE, është për Komisionin për Marrëdhëniet me Jashtë në Parlamentin Europian dhe po diskutohet situata në Shqipëri. Kjo seancë u thirr nga David McAllister teksa Lega dhe Gahlet kanë thënë se pa u hetuar dhe luftuar krimi dhe korrupsioni që janë 2 kushte të Shqipërisë për negociatat, atëhere Shqipëria s’ka për t’i hapur ato nëse nuk i përmbush kushtet para Konferencës së Parë Ndërqeveritare.
