Deputeti i Lidhjes Demokratike të Kosovës, Fatmir Rexhepi, ka komentuar zhvillimet politike me partnerin e tyre të koalicionit, Aleancën për Ardhmërinë e Kosovës.
Rexhepi ka deklaruar se nuk është fundi i botës nëse AAK largohet nga koalicioni, dhe sipas tij nëse kjo ndodhë, do duhej konsensus për një Qeveri e cila do të çonte përpara proceset e mbetura, njofton Klan Kosova.
”Nëse AAK, e ka vendos të largohet, nuk është fundi i botës. Largohet AAK, se si bëhet koalicioni e shohim në momentin kur krijohen rrethana të reja”.
Kush i konvenon LDK-së ta ketë partner, VV apo PDK?
”LDK-së më së miri i konvenon t’i fitojë votat vetë, por s’po mundet të fitojë ashtu asnjë parti vetë”.
”Nëse AAK vendos me dalë, duhet ta gjejmë një konsensus më të gjerë”.
”Kush e do Kosovën le ta mendojë më të mirën. E kem për borxh që brenda një viti, që nëse AAK del nga koalicioni, të kemi një Qeveri për t’i përmbyllur proceset e mbetura”.
