Aktivistë të Lëvizjes Vetëvendosje, pasditen e së martës kanë dalë në sheshin “Skënderbeu” në Prishtinë, për të bërë prova për protesta. Për këtë, ata nuk kanë kërkuar leje në Policinë e Kosovës
Këtë e ka konfirmuar për Gazetën Express Drejtori i Përgjithshëm i Policisë së Kosovës, Rashit Qalaj.
“Nuk kanë pasur leje, nuk ka qenë e lajmëruar”, ka thënë Qalaj.
Lajmërimin për protestën e kanë bërë të ditur vetë vetë aktivistët e VV’së në grupin ”meKryeministrin” në Facebook, grup ky i cili përkrah kryeministrin në detyrë, Albin Kurti dhe ka mbi 310 mijë përdorues.
Ata të martën i kanë publikuar foto dhe video nga sheshi “Skënderbeu” në kryeqytet, ku kanë shkruar se po bëjnë prova për protesta.
Protestat e përkrahësve VV’së janë paralajmëruar pas mandatimit të Avdullah Hotit për kryeministër, ndërkaq partia e Kurtit po pret që Gjykata Kushtetuese të dalë me një me një vendim rreth çështjes së mandatarit.
Ndërkohë, sot është bërë kërkesë që Prokuroria e Shtetit t’i hetojë nismat për protesta që mund të rrezikojnë jetën e qytetarëve në kohën e pandemisë
