Takimi do të zhvillohet në zyrat e Kryeministrisë, në orën 16:00.
Këtë e ka konfirmuar njëri nga familjarët e të dënuarve në rastin Kumanova.
Ndërkaq, të premten e kaluar familjarët e të dënuarve bashkë me qindra qytetarë protestuan para ambasadës maqedonase dhe qeverisë së Republikës së Kosovës, ku me atë rast kryeministri Haradinaj u premtoi takim.
Ndryshe, javën e kaluar “Grupit Kumanova”, iu dhanë dënime maksimale nga gjykata maqedonase ku tetë prej të akuzuarve u dënuan me burg të përjetshëm dhe të tjerëve iu dha dënimi me gjithsej 746 vjet heqje lirie.