Por, si duket kjo fushatë nuk ka mjaftuar që ata të sigurojnë vende në parlament. I kontaktuar nga albinfo.ch, Florimi thotë se “mjerisht votat nuk kanë mjaftuar për t`u zgjedhur në parlament”. Njësoj as Mark Kqira nuk ia ka dalë të zgjidhet. Por, në të dy rastet duhet pasur parasysh se bëhet fjalë për kandidatura të para dhe për një konkurrencë të ashpër që këta dy kandidatë socialdemokratë kanë pasur në një kanton me prirje të theksuara nga e djathta.
“Jemi sidoqoftë të kënaqur që edhe me votat tona, SP-ja ia ka dalë të shënojë një rritje të theksuar, duke fituar 5 vende më shumë se në zgjedhjet e kaluara ose thënë më ndryshe, një rritje prej 4%”, thotë Kadriu për albinfo.ch.
Florim Kadriu ka fituar 4335 vota ndërsa Mark Kqira, 1871. Të dy ndodhen diku në mesin e listës së qytetit përkatës, për nga numri i votave të fituara.
Florim Kadriu dhe Mark Kqira nuk arrijnë të bëhen pjesë e Parlamentit të Aargau-t