Haradinaj: PAN i ka siguruar votat për krijimin e institucioneve të reja

16.06.2017 20:13:31
Kandidati për Kryeministër nga PDK-AAK-Nisma, Ramush Haradinaj, ka deklaruar se tashmë ky koalicion ka siguruar votat e mjaftueshme për krijimin e institucioneve të reja.

Punë të kryer e sheh krijimin e institucioneve të reja kandidati për Kryeministër nga PDK-AAK-Nisma, Rmush Haradinaj.

Votat e nevojshme sipas tij tashmë ekzistojnë dhe se ai do të jetë në krye të Qeverisë së Kosovës.

Haradinaj thotë se mezi po pret certifikimin e rezultateve të zgjedhjeve të 11 qershorit nga na e KQZ’së duke premtuar se në afat rekord do të formohen Kuvendi dhe Qeveria.

“Vota për Qeverinë ekziston. Pra kemi votën për Qeverinë. Ndoshta ajo që mund të bëjmë më tutje është që të sigurojmë një përkrahje më të gjerë, një koalicion sa më solid se për votë për me fillu me Qeverinë këtë e kemi”, tha Haradinaj për televizionin publik.