Zëvendëskryeministri i Kosovës, Enver Hoxhaj ka reaguar ndaj deklaratave të presidentit të Serbisë, Aleksandar Vuçiq.
Përmes një postimi në llogarinë e tij në Twitter, Hoxhaj ka thënë se pavarësia e Kosovës është vulosur nga vullneti dhe sakrifica e njerëzve.
“Pavarësia e Kosovës është vulosur nga vullneti, sakrifica dhe vendosmëria e njerëzve, dhe jo nga politika e gabuar e Serbisë! Pavarësia jonë nuk është një triumf mbi Serbinë, por një e drejtë legjitime për të ekzistuar, si qytetarë dhe si shtet”, ka shkruar Hoxhaj.
Vuçiq ka deklaruar sot se Serbia e ka vendosur vulën në zarfin e pavarësisë së Kosovës.