Një grua ka humbur jetën si pasojë e një aksidenti i cili ka ndodhur sot në magjistralen Mitrovicë – Podujevë.
Lajmin për Klan Kosovën e ka konfirmuar zëdhënësi i policisë për rajonin e Mitrovicës, Avni Zaiti i cili tha se në aksident është përfshirë vetëm një veturë, drejtuesi i së cilës ka humbur kontrollin ndaj automjetit me ç’rast ka dalë nga rruga dhe është rrotulluar.
Përveç viktimës, lëndime kanë pësuar edhe dy persona, drejtuesi i automjetit dhe një pasagjer të cilët po trajtohen në spitalin rajonal të Mitrovicës.
