Gazetari brazilian Rafael Henzel, tre vite më parë ishte në bordin e avionit charter Avro RJ85 të Shoqërisë LaMia, ku udhëtonte ekipi i Chapoconeses, që u rrëzua pranë qytetit kolumbian Medellin. Në këtë tragjedi humbën jetën 71 persona, ndërsa Henzel ishte mes 6 të mbijetuarve.
Por nga Brazili raportohet se 45-vjeçari ka humbur jetën pas një sulmi në zemër ndërkohë që po luante futboll me shokët e tij në një kalçeto.
Edhe pse është transportuar menjëherë drejt spitalit, Rafael Henzel, për fat të keq, nuk ka arritur të mbijetojë.
