Ismet Beqiri kujton vitin 1990 dhe demonstratat te “Komiteti” kundër Serbisë

27.08.2016 21:27:26

Në profilin e tij në Facebook, shefi i Grupit Parlamentar të LDK-së, Ismet Beqiri, ka postuar disa fotografi të bëra dikur në qendër të Prishtinës, te blinat e Korzos te ndërtesa e ‘Komitetit Krahinor’ ku sot është Ministria e Kulturës.

Pamjet janë marrë nga një xhirim i demonstratave të 23 janarit 1990, kundër diferencimit ideopolitik mbi baza nacionale, për lirimin e të burgosurve politikë, si dhe për shpalljen e referendumit për zgjedhje të lira.

Këto, shkruan Beqiri, ishin “disa nga shtatë kërkesat tona”.

“Ishin vite të kthesave të mëdha historike e të fillimit të shpërbërjes së Jugosllavisë dhe pavarësimit të Kosovës nga ky shtet. Studentët e UP-së ishin ndër të parët që kundërshtuan diskriminimin dhe padrejtësitë”, ka thënë ai.

https://youtu.be/SWuTO9qYHic