Presidenti i Kosovës, Hashim Thaçi, sot i ka drejtuar katër letra Zyrës së Kryeprokurorit të Shtetit dhe të Këshillit Prokurorial të Kosovës, përmes së cilave kërkon angazhimin e tyre për zbardhjen e krimeve gjatë kohës së luftës dhe atyre të pasluftës.
Telegrafi sjell katër letrat të cilat sot presidenti i vendit i ka dorëzuar në zyrën e Kryeprokurorit të shtetit, Aleksandër Lumezi.
Në letrën e parë ai ka thekson nevojën për tu marrë më krimet e luftës të kryera në Kosovë. Që një vëmendje e veçantë t’i kushtohet një prej krimeve më monstruoze, përdhunimin e personave, veçanërisht të grave dhe vajzave gjatë luftës në Kosovë 1998- 1999.
Faksimilja e letrës së parë
Në letrën e dytë, Thaçi ka inkurajuar Zyrën e Kryeprokurorit të Shtetit dhe Këshillin Prokurorial të Kosovës që vëmendje e veçantë t’i kushtohet edhe zbardhjes së vërtetës për shkatërrimin e trashëgimisë së përbashkët kulturore, religjioze dhe historike, shkruan Telegrafi.
Faksimilja e letrës së dytë
Në letrën e tretë Thaçi kërkon hetim të krimeve serioze të kryera menjëherë pas luftës apo në vitet më vonë. Ai ka përmendur vrasjen e vëllezërve Bytyçi, në qershor të vitit 1999, pastaj përpjekjen për atentat kundër ish-presidentit të Kosovës, Ibrahim Rugova, në mars të vitit 2005, si dhe vrasja e një numri të personaliteteve publike të asaj kohe dhe rasteve të ngjashme.
Faksimilja e letrës së tretë
Kurse me letrën e fundit, Thaçi theksoi nevojën për tu marrë më krimet e luftës të kryera në Kosovë. Ai thotë se masakra kundër familjes Jashari në Prekaz apo kudo tjetër në Kosovë, duhet të marrin trajtimin e duhur nga drejtësia, shkruan Telegrafi.
Faksimilja e letrës së katërt
