Deputeti i LDK-së, Ramiz Kelmendi, ka ngushëlluar familjen e policit të vrarë, gjatë aksionit për ta ndaluar plaçkitjen e një banke në Istog.
Përmes një postimi në Facebook, Kelmendi ka thënë se humbja e jetës së policit në mbrojtje të jetës së qytetarëve dhe pasurisë, akt heroik.
Ndërkaq, ka thënë se si deputet, më herët ka ngritur si çështje se policia duhet ta kenë të sigurimin pensional, pasi ndjehen gjithmonë të rrezikuar.
“Shfrytëzoj rastin të ngushëllojë familjen e policit të rënë, institucionet e policisë së shtetit dhe të gjithë qytetarët. Ky polic hero dhe të tjerë që dhanë jetën, kanë mbetur pa pension dinjitoz që garanton mbijetesën e familjes dhe shkollimin e fëmijëve. Shteti duhet të veproj menjëherë në këtë drejtim”.
“Këtë shqetësim e kam ngritur disa herë në institucione si deputet dhe gjithnjë kemi cekur se policia shtetërore dhe organet tjera që kanë jetën në rrezik, duhet të kenë të garantuara sigurimin pensional dhe sigurimin shëndetësorë”, ka shkruar Kelmendi.
