Komuna e Prishtinës publikon numrin emergjent nëse keni probleme me borën

07.01.2019 19:25:08

Kryetari i Komunës së Prishtinës, Shpend Ahmeti ka njoftuar se ekipet janë duke punuar vazhdimisht në pastrimin e rrugëve të kryeqytetit.

Ai nëpërmjet një postimi në Facebook ka thënë se për çdo urgjencë të lajmërohen në Qendrën e Thirrjeve në 038 245 777.

“Mbrëmë ekipet kanë punuar në orët e vona deri në mëngjes për të pastruar arteriet kryesore të kryeqytetit. Sot ka vazhduar puna me rrugët dytësore. Për çdo urgjencë lajmëroni Qendrën e Thirrjeve në 038 245 777. Ju lusim për qarkullim të kufizuar dhe përshtatje të shpejtësisë gjatë reshjeve dhe temperaturave të ulta”, ka njoftuar Ahmeti.