Sot Kuvendi i Kosovës dështoi për të tretën herët ta votojë marrëveshjen e demarkacionit më Malin e Zi.
Teksa deputetët po mblidheshin në sallën e Kuvendit, u panë duke u përshëndetur e duke biseduar me njëri tjetrin, mirëpo në ankth ishin ata të koalicionit qeverisës pasi mungonin edhe dy vota për të kaluar demarkacionin dhe dy deputetë ishin jashtë vendit.
Sido qoftë pati edhe deputetët që iu kthyen Kuvendit pas një kohe të gjatë. Ai ishte Frashër Krasniqi i cili u prit me përqafime nga deputetët e Vetëvendosjes, dihet jo nga të gjithë, shkruan lajmi.net.
Megjithëkëtë, seanca nisin punën e saj një orë me vonesë, pasi deputetët nuk pat kush i bëjë bashkë. Në nisje të seancës u mbajt një minutë heshtje në shenjë nderimi për të rënët e betejës së Likoshanit dhe Qirezit.
Kryeministrin Haradinaj nuk e zinte vendi vend, ai u pa teksa bisedonte edhe me deputetët e Vetëvendosjes. Bile pas një pauze në seancën e Kuvendit, zëvendëskryeministri Behgjet Pacollit, ka thënë se me deputetët e Vetëvendosjes, nuk kanë biseduar për votë pro demarkacionit, por për kauzën për heqjen e bllokadës. Pacolli insistonte para medieve se janë votat për demarkacion.
Më pas kryeministri i Kosovës, Ramush Haradinaj, ka mbajtur një takim me deputetët e Listës Srpska. Në këtë takim u diskutua për mundësinë e pjesëmarrjes së deputetëve serbë në seancën e jashtëzakonshme për demarkacionin si dhe votimin e tij.
Pas dështimit të njëpasnjëshëm të seancave të Kuvendit për votimin e demarkacionit, seanca tjetër është shtyrë për një ditë tjetër të pacaktuar, njoftoj zyra për informim e Kuvendit të Kosovës.
Për më shumë shikoni videon përmbledhëse të përgatitur nga lajmi.net, gjatë seancës së sotme të Kuvendit.