Përmes një postimi në Twitter, Hoti ka thënë se gjatë këtij takimi me eurodeputetë është biseduar me theks të veçantë çështja e liberalizimit të vizave për Kosovën.
“Sot isha mysafir special në takimin e parë të Grupit të Miqësisë së Kosovës në Parlamentin Evropian. Ky takim me antëarët e parlamentit është organizuar nga Lukas Mandl të cilin e falenderoj për përkushtimin për të sjellur Kosovën më afër BE’së, me theks të veçantë në liberalizimin e vizave”.
Kryeministri Hoti gjatë vizitës zyrtare në Bruksel do të zhvillojë disa takime në Parlamentin Evropian, ku ndër të tjera do të takojë Presidentin e Parlamentit Evropian, z. David Sassoli, Grupin e Miqësisë së Kosovës në Parlamentin Evropian, Eurodeputetë, si dhe Komisionin për Punë të Jashtme në Parlamentin Evropian.
