Sipas një raporti mbi pronën që i dorëzohet Agjencisë për luftën kundër korrupsionit në Serbi, kryeministri i Serbisë, Aleksandar Vuçiq si kryeministër merr 112,024 dinarë në muaj (rreth 1000 euro), ndërsa të ardhurat e tij në mandatin e kaluar arrinin në rreth 1100 euro.
Përveç të ardhurave, sipas medieve serbe, përcjell Telegrafi, në raport thuhet se ai disponon vetëm një pronë, gjegjësisht një apartament prej vetëm 30 metra katrorë.
Dhe kjo nuk është e tëra. Po sipas të dhënave të këtij raporti, kryeministri serb nuk ka në pronësi të tij as edhe një veturë, si dhe nuk ka as kursime në bankë.
