Kryetarja e Gjakovës, njëherësh shefe e Alternativës, Mimoza Kusari – Lila, ka thënë se ata janë bërë pjesë e koalicionit parazgjedhor me Lidhjen Demokratike të Kosovës (LDK), sepse kanë pasur drojën se nuk mund ta kalojnë pragun zgjedhor.
Ajo në emisionin Rubikon të KTV, ka thënë se e kanë ndërmarrë këtë veprim, “sepse nuk deshëm që të përsëritet fati i partive të reja, të cilat janë zhgënjyer si lidershipi dhe elektorati”.
“Ne mund ta përmendim rastin e Ilirit dhe Shpendit, ku nuk arritën një gjë të tillë në kohën e FER-it. Më pas edhe fati i partisë ORA, që nga parti parlamentare nuk arriti ta kaloj pragun”, ka shtuar Kusari – Lila.
