Ky që shihni në këtë foto është 29-vjeçari, Danial Kassrae, i cili është shpallur i padëshiruar nga autoritetet vendase dhe pritet të dëbohet drejt Italisë në orët në vijim.
Danial Kassrae me kombësi iraniane dhe me shtetësi italiane, dyshohet se është agjent me veprimtari spiunazhi i infiltruar nga Ministria e Inteligjencës Iraniane. Sipas raportit të Agjentëve të anti-terrorit ky shtetas është klasifikuar si një person i rrezikshëm dhe që cënon sigurinë publike.
29-vjeçari është shfaqur shpesh herë në kampin e Muxhahedinëve në Manzë të Durrësit. Për llogari të shtetit të Iranit, Kassrae ka tentuar të rekrutojë ish-anëtarë të MEK apo anëtarë aktual të kësaj organizate.
Personit në fjalë do ti ndalohet hyrja në Shqipëri për 15 vitet e ardhshme
