Gjashtë personat që u infektuan me koronavirus në komunën e Skënderajt kanë dalë fitues në këtë betejë.
Tre prej tyre ishin trajtuar në Klinikën Infektive të Prishtinës, ndërsa tre të tjerë që nuk kishin simptoma janë trajnuar në shtëpitë e tyre.
Këtë e konfirmoi për klankosova.tv, Leotrim Sahiti, shef i kabinetit të kryetarit të komunës.
“Tre prej tyre janë shëruar disa ditë më herët, ndërsa testet e tre të tjerëve kanë dalë negativë sot. Po ashtu, sot janë testuar 11 persona që kanë qenë raste kontakti të të prekurve dhe të gjithë kanë dalë negativë”.
I pari i komunës, Bekim Jashari, e ka quajtur fitore të përbashkët betejën ndaj koronavirusit.
“Sapo mora informatën nga IKSHP që nga 11 mostra të marra sot në Skenderaj, përfshirë edhe pacientët me COVID-19, të gjithë kanë rezultuar negativ”, është shprehur tutje Kryetari Jashari.
Jashari po ashtu ka falënderuar qytetarët që po i përmbahen masave parandaluese që janë ndërmarrë nga ana e komunës sonë.