Kuvendi i Kosovës dje ka miratuar buxhetin për vitin 2019.
Autostrada e Dukagjinit, ajo e Gjilanit, segmenti Kijevë – Zahaq dhe një mori projektesh madhore infrastrukturore për Kosovën do të jenë pjesë e këtij buxheti, ka thënë ministri i Insfrastrukturës, Pal Lekaj.
“Me buxhetin më të madh dhe të planifikuar si duhet për nevojat e qytetarëve, që Kosova ka pas ndonjëherë, Qeveria Haradinaj po e shtyn përpara zhvillimin ekonomik të vendit”, ka shkruar Lekaj në Facebook, përcjell lajmi.net.
Postimi i plotë:
Autostrada e Dukagjinit, ajo e Gjilanit, segmenti Kijevë – Zahaq dhe një mori projektesh madhore infrastrukturore për Kosovën janë pjesë e buxhetit 2019 që mbrëmë mori miratimin e Kuvendit të Republikës së Kosovës.
298 milionë është buxheti i Ministrisë së Infrastrulturës dhe Transportit, me të cilin kemi paraparë projekte për secilën komunë të Kosovës.
Me buxhetin më të madh dhe të planifikuar si duhet për nevojat e qytetarëve, që Kosova ka pas ndonjëherë, Qeveria Haradinaj po e shtyn përpara zhvillimin ekonomik të vendit.
I gëzofshi projektet në ardhje!