Ministri i Infrastrukturës, Pal Lekaj ka thënë se Gjakova ka mbetur qe sa kohë pa investime në infrastrukturë rrugore, por dinamika që sot është iu jep besim që brenda tri viteve të ardhshme të gjitha rrugët në qytet dhe në fshatra të Gjakovës, do të rregullohen.
Ai ka shkruar në facebook se sot në Doblibare të Gjakovës, bashkë me përfaqësuesit e Komunës, inspektuam zhvillimin e punimeve në ndërtim të rrugës që e lidhë këtë pjesë me qytetin.
“Nuk do të ketë ndërprerje dhe tejzgjatje të implementimit të projekteve, për këtë do të jemi garant ne”, ka shkruar ai.
